Natur.is

Kaffi, te og krydd á Náttúrumarkaði

Kaffi, te og krydd eru þurrkaðar afurðir ýmissa jurta. Líkt og með lifandi plöntur gildir að ræktun sé sem hreinust og náttúrulegust til að tryggja gæði. Einnig ráðast gæðin af því hvernig þurrkun, geymsla og pökkun á sér stað.

Lífræn vottun eða umhverfisvottun snýst um allt ferlið frá framleiðslu til pökkunar og tryggir að hvergi hafa verið notuð skaðleg efni og að unnið sé með gæði og umhverfisvernd í huga, samkvæmt ströngum reglum. Stundum er rotvarnarefnum eða jafnvel MSG bætt í kryddblöndur til að auka bragð eða endingu. Því er mikilvægt að lesa vel um innihaldið.

Hér í deildinni eru skráðar allar upplýsingar sem koma fram á umbúðum vörunnar og upplýst sérstaklega um vottanir. Kaffi er framleitt með því að brenna baunir kaffiplöntunnar. Framleiðsla plöntunnar er eins og önnur ræktun ýmist með eða án tilbúinna efna, s.s. áburðar eða skordýraeiturs. Með því að kaupa lífrænt ræktað kaffi getur þú tryggt að þú sért ekki að menga líkama þinn eða umhverfið. Siðgæðisvottun tekur til bæði te- og kaffiframleiðslu og tryggir að fólkið sem framleiðir vöruna vinni við mannsæmandi aðstæður og kjör.

Öllum er velkomið að selja vörur í gegnum Náttúrumarkaðinn. Skoða kaffi, te og krydddeild Náttúrumarkaðarins.

Bewertung

Þannig virkar Endurvinnslukortið

Til þess að einfalda endurvinnsluna og hvetja fólk til að taka þátt í því að minnka magn sorps sem fer óflokkað í heimilistunnuna hefur Náttúran gert Endurvinnslukort en það er kort hér á vefnum sem sýnir þér alltaf hvar næsti grenndargámur eða endurvinnslustöð í þínu næsta nágrenni er að finna og segir þér einnig hverju er tekið á móti þar. Nú þegar er búið að kortleggja allt stór-Reykjavíkursvæðið, Suðurland, Austurland og Norðurland og víðar en unnið er að því að safna upplýsingum um hvern einasta stað á landinu þannig að Endurvinnslukortið nýtist öllum alltaf.

Dæmi um birtingu á móttöku endurvinnanlegs sorps í grenndargáma á Endurvinnslukortinu:

Til að staðsetja grenndargáma og aðra móttökustaði fyrir endurvinnanlegt sorp finnur þú póstfangið og smellir á litla Íslandsmerkið eða götuheitið/staðarheitið sem þú vilt sjá nákvæma staðsetningu á á korti. Til að sjá hvað hver stöð tekur á móti er rennt lauslega yfir Fenúrmerkin eða gámatáknin en þá birtist texti sem lýsir Fenúrflokknum eða hvað má setja í grenndargáminn.

Bewertung

Fair Trade búðin á Náttúrumarkaði

Fair Trade búðin* hér á Náttúrumarkaði gefur þér kost á að panta og fá vörur sendar í safnsendingu beint heim að dyrum. Þannig vonumst við til að sem flestir fái yfirsýn yfir hvað er í boði undir merkjum Fair Trade og styðji með viðskiptum sínum við sanngjarnari viðskiptahætti í heiminum. Við höfum mögulieka á að hafa áhrif á líf milljóna manna sem búa við ójöfn markaðstækifæri og óviðunnandi lífsskilyrði með því að velja frekar Fair Trade merktar vörur. Þetta er ekki síst mikilvægt í dag þegar ljóst er að alheimskreppan mun hafa mest áhrif í þeim löndum þar sem fátæktin er nú þegar hvað mest.

Siðgæðisvottun-Fair trade er oft nefnt réttlætismerki enda byggist hugmyndafræðin á því að sanngirni og virðing sé viðhöfð í viðskiptum. Siðgæðisvottun er nokkurs konar viðskiptasamband framleiðanda, innflytjanda, verslana og neytenda, sem er opið, gagnkvæmt og með virðingu fyrir öllum hlutaðeigendi.
Siðgæðisvottun er staðfesting á því að varan er unnin á siðferðislega sanngjarnan hátt, án skaðlegra áhrifa fyrir starfsmenn og að þeir fái sanngjörn laun fyrir vinnuna.

Hér í Fair Trade búðinni finnur þú fjölbreytt úrval af vörum sem bera Fair Trade vottun. Með því að kaupa Fair Trade vörur tryggir þú að vinnufólk og ræktendur fái sanngjörn laun fyrir vinnu sína og vinnur á móti barnaþrælkun. Þú hvetur ennfremur óbeint til lífrænnar ræktunar, styður lýðræðisþróun og vinnur á móti misrétti vegna kyns, húðlitar og trúar. Auk alls þessa færð þú gæðavörur.

*Fair Trade búðin var til skamms tíma starfrækt á Laugarveginum en var lokað sumarið 2008 en hér í Fair Trade búðinni er samankomið úrval vörum úr Fair Trade búðinni sem lifir áfram hér á Náttúran.is.

Sjá Fair Trade búðina.
Sjá Fair Trade deildina en þar eru allar Fair Trade vörur á Náttúrumarkaði.
Sjá leiðbeiningar um hvernig þú verslar hér í búðinni.

Bewertung

Náttúrumarkaðurinn - búðin hér á vefnum

Á Náttúrumarkaði er úrval af lífrænum, náttúrulegum, siðgæðis- og umhverfisvottuðum vörum á boðstólum. Til þess að geta veitt neytendum upplýsingar um umhverfisvænar og heilbrigðar vörur tengist hver vara ítarlegum upplýsingum um innihald, vottanir og endurvinnslumöguleika. Hugmyndin er að þegar að vafrað er um verslunina læri maður hvað merkin þýða með því að renna yfir þau. Þetta á við um umhverfismerkin, lífrænu vottunarmerkin og siðgæðis- og endurvinnslumerkin.

Í dag eru yfir þrjúhundruð vörur í tuttuguogeinni deild á markaðinum og úrvalið eykst stöðugt. Stefnt er að því að geta boðið upp á vörur úr öllum vöruflokkum og sérstök alúð er lögð við að hafa íslenskar náttúruvörur á boðstólum. Hver sem er getur selt vörur sínar á Náttúrumarkaðinum.

Annað sem að Náttúrumarkaðurinn á netinu getur haft fram yfir venjulegar verslanir er að í bögglinum koma margar vörutegundir heim að dyrum, í safnsendingu. Kolefnislosun og önnur umhverfisáhrif af flutningum eru því í algeru lágmarki þar sem Íslandspóstur á hvort eð er flesta daga leið heim til þín með annan póst. Að keyra á heimilisbílnum frá einni búð til annarar mengar meira og kostar þig bæði tíma og peninga.

Að versla á Náttúrumarkaðinum getur því bæði verið mun ódýrara og umhverfisvænna þegar allt kemur til alls.

Allar vörur eru afgreiddar næsta virka dag eftir pöntun, sé pantað fyrir kl. 12:00 á hádegi ellegar næsta virka dag á eftir. Einföld og umhverfisvæn leið til að versla.

Skoðaðu hvernig þú verlsar á Náttúrumarkaðinum.

Sjá skilmála og skilareglur.

Bewertung

Endurvinnslutunnan í garðinum

Best af öllu er hins vegar að forðast að kaupa „rusl”. Hversu oft er ekki verið að kaupa umbúðir sem fara beint í ruslið þegar heim er komið. Helstu endurvinnsluflokkar eru skilgreindir af hverju sveitarfélagi fyrir sig og er þar stuðst við Fenúrflokkana. Mögulegir endurvinnsluflokkar á Reykjavíkursvæðinu eru mun fleiri en úti á landi. Það skýrist af því að enduvinnsla er beintengd hagkvæmni og ef hagkvæmni fæst ekki út úr flutningi á hráefni til enduvinnslu um langan veg er það látið vera. Sveitarfélög eru einnig misjafnlega í stakk búin til að taka við efni til endurvinnslu en stöðug framför er á þessu sviði.

Öll sveitarfélög taka þó við spilliefnum og langflest við flokkuðum pappír (dagblöðum, slétum pappa og bylgjupappa), flöskum og skilagjaldskildum umbúðum (gosflöskum og áldósum), fernum, timbri, fatnaði, húsbúnaði, garðaúrgangi og lyfjum. Á um 80 stöðum á höfuðborgarsvæðinu er hægt að koma úrgangi frá sér í bláa og græna grenndargáma og á 7 stöðum eru endurvinnslustöðvar sem taka við öllum flokkum. Þú getur kynnt þér hver tekur við hverju hér á Grænum síðum Náttúrunnar undir Endurvinnsla og séð staðsetningar á grenndargámum og endurvinnslustöðvum hér á Endurvinnslukortinu eða leitað til sorpstöðvar þíns sveitarfélags.

Nánar hér að neðan:

Bewertung