Natur.is

Veist þú hvaða aukefni eru í matarkörfunni þinni?

Í matvælum nútímans eru allskyns aukefni sem við flest kunnum lítil skil á. En hvaða efni eru þetta og hvaða áhrif skyldu þau hafa á líkama okkar? Eru einhver þeirra kannski ofnæmisvaldandi og geta sum aukefni e.t.v. valdið ofvirkni hjá börnum? Eða hafa einhver þeirra e.t.v. jákvæð áhrif á líkamann?

Náttúran.is hefur tekið saman ítarlegan lista yfir þau margvíslegu aukefni sem eru til staðar í matvælum. Sjá E-efnin hér til hægri á síðunni. Um er að ræða efni eins og litarefni, þráavarnarefni og bindiefni. Sum efnin eru talin geta haft skaðleg áhrif á heilsu manna á meðan önnur aukefni eru beinlínis andoxandi og talin geta aukið hreysti og heilsu. Þriðji flokkur efna er síðan tiltölulega hlutlaus, þ.e. veldur hvorki neikvæðum né jákvæðum áhrifum. Skaðlegu efnin eru merkt rauðu megin á skalanum, hlutlaus efni á gula hluta skalans og efni sem talin eru hafa jákvæð áhrif á líkamann eru merkt grænu megin á skalanum. Heimilda er getið í hverju tilviki fyrir sig en varúðarstig er aðeins gefið upp til hliðsjónar og Náttúran.is tekur ekki afstöðu til þessar efna með neinum hætti.

Með því að slá inn heiti E efnisins sem þú hefur áhuga á að fá upplýsingar um getur þú öðlast betri þekkingu á viðkomandi aukefni. Þú getur beitt skynsemi þinni og þekkingu til að velja frekar þau aukefni sem hafa jákvæð áhrif og þannig haft áhrif á markaðinn. Ef við neytendur stöndum saman, þá getum við breytt ansi miklu í veröldinni.

Öll aukefnin hafa svokallað E númer, en E stendur fyrir Evrópu. Nánari upplýsingar um aukefni er að finna á vef Matvælastofnunar – www.mast.is en Matvælastofnun ber ábyrgð á eftirliti með aukefnum í matvælum hér á landi.

Bewertung

Opinn fundur um verndun og orkunýtingu landssvæða

Kynningarfundur um umsögn þrettán náttúruverndarsamtaka* um drög að tillögu að þingsályktun um verndun og orkunýtingu landssvæða verður haldinn í Þjóðminjasafninu, miðvikudaginn 8. febrúar kl. 12:00-13:30.

Framsöguerindi flytur Rannveig Magnúsdóttir sem ritstýrði umsögn samtakanna. Almennar umræður í lokin.

Á næstu dögum má vænta endanlegrar þingsályktunartillögu iðnaðarráðherra og umhverfisráðherra um verndun og orkunýtingu landssvæða. Í nóvember síðastliðnum skiluðu þrettán náttúruverndarsamtök á Íslandi sameiginlegri umsögn um drög að þessari tillögu. Samtökin þrettán lögðu til að mun hægar verði farið í frekari orkuuppbyggingu í jarðvarma og vatnsafli og fleiri svæðum hlíft en tillögudrögin gera ráð fyrir. Samtökin setja fram skýra sýn sem byggir á náttúruvernd og leggja m.a. til stofnun þjóðgarðs á miðhálendi Íslands og eldfjallaþjóðgarðs á Reykjanesskaga, auk verndunar Jökulsánna í Skagafirði og svæða í Skaftárhreppi svo eitthvað sé nefnt. Samtökin þrettán styðja þá aðferðafræði að skipta svæðum í verndar-, bið- og nýtingarflokka og fagna því sérstaklega að dýrmæt náttúruverndarsvæði fari í verndarflokk, t.d. Þjórsárver, Jökulsá á Fjöllum, Kerlingarfjöll, Bitra og Grændalur, Geysir og Gjástykki.

Yfirgnæfandi meirihluti erlendra gesta sem sækir okkur heim lítur á náttúru Íslands sem helsta aðdráttarafl landsins. Náttúra Íslands einkennist af einstöku samspili elds og ísa, stórbrotnu landslagi og stórum lítt snortnum víðernum, sem þó hefur verið gengið freklega á síðustu áratugina. Virkjanahugmyndir lenda gjarnan inn á svæðum með afar hátt verndargildi. Því fara verndun og orkunýting víða illa saman. Nú þegar er búið að raska um helmingi af virkjanlegum háhitasvæðum á landinu og fjöldinn allur af vatnsaflsvirkjunum hefur verið reistur eða er í byggingu, ekki síst á hálendinu eða í jaðri þess. Þá ríkir mikil óvissa um endingu og sjálfbærni jarðvarmaauðlindarinnar og heilsufarsleg áhrif jarðvarmavirkjana. Auk þessa fæst ekki séð að mikil þörf sé fyrir stóraukna raforkuframleiðslu á næstu árum. Samtökin þrettán undirstrika mikilvægi þess að iðnaðarráðherra, umhverfisráðherra og Alþingi taki mið af þessum þáttum við gerð og þinglega meðferð tillögunnar.

*Eftirfarandi samtök stóðu að umsögninni
Eldvötn - samtök um náttúruvernd í Skaftárhreppi
Félag um verndun hálendis Austurlands
Framtíðarlandið
Fuglavernd
Jöklahópurinn Skagafirði
Landvernd
Náttúruvaktin
Náttúruverndarsamtök Íslands
Náttúruverndarsatök Suðurlands
Náttúruverndarsamtök Suðvesturlands
Náttúruverndarsamtök Vestfjarða
NAUST
Sól á Suðurlandi
SUNN

Grafík: Háhitasvæði á Norðurlandi, Guðrún A. Tryggvadóttir fyrir Landvernd.

Bewertung

Græn kort Náttúrunnar

Grænt Íslandskort er samvinnuverkefni Náttúran.is, fjölþjóðlega verkefnisins Green Map® System og Land- og ferðamálafræðistofu Háskóla Íslands. Græna Íslandskortið og Græna Reykjavíkurkortið byggja á flokkunarkerfi Green Map og gagnagrunni Grænna síðna Náttúrunnar sem er árangur 8 ára rannsóknarvinnu á vistvænum kostum í viðskiptum og ferðamennsku á Íslandi.

Kortið birtist á íslensku á Natturan.is, ensku á Nature.is og á þýsku á Natur.is, í samhengi við það gríðarlega magn af umhverfisupplýsingum og vottunartengingum sem fyrir hendi eru á vefnum. Við gáfum út Grænt Reykjavíkurkort í prentútgáfu haustið 2010 og aftur sumarið 2011. Öllum er frjálst að fá skráningu svo framarlega sem að starfsemin byggist á viðurkenndum vottunum eða aðferðafræði enda ekki ætlunin að grænþvo neinn sem ekki uppfyllir þau skilyrði sem sett eru við kortagerðina.

Tilgangur grænna korta er að gefa yfirsýn yfir þá fjölmörgu umhverfisvænu kosti sem fyrir eru í landinu og hvetja fjólk til að nýta sér þá og styðja frekar þau fyrirtæki sem vinna á umhverfismeðvitaðan hátt.

Þeir sem vilja sækja um skráningu á Græna kortið skrifi okkur á nature@nature.is. Grunnskráning er ókeypis!

Skoða Græna Íslandskortið.

Skoða Græna Reykjavíkurkortið.

Sjá prentútgáfu Græna Reykjavíkurkortsins hér á Náttúrumarkaði.

Ef þú vilt vita meira, gera athugasemdir eða taka þátt í vinnu við kortin, þá skrifaðu okkur á nature@nature.is eða hringdu í síma 483 1500.

Bewertung

Lasst uns gemeinsam ökobewusst einkaufen!

Ökobewusst einkaufen bedeutet, Produkte auszuwählen, die weniger schädlich für die Umwelt und Gesundheit sind im Vergleich zu anderen Produkten, die die gleichen Bedürfnisse erfüllen und dabei die gleichen oder niedrigere derer gesamter Lebensdauer anfallenden Kosten liefern.

Um die Auswahl von Waren und Dienstleistungen, die weniger schädlich für die Umwelt und Gesundheit sind, zu erleichtern, hat Natur.is 11 Leitlinien bzw. Öko-Normen zusammengestellt, die die wichtigsten Bereiche abdecken. Die Leitlinien sind einfach und helfen dem Verbraucher, das beste Produkt im Hinblick auf Gesundheit, Umwelt und sozialer Bedingungen, was generell als nachhaltige Entwicklung verstanden wird, auszuwählen.

Hier horizontal angeordnet befinden sich Piktogramme, die die Öko-Normen symbolisieren; vertikal angeordnet stehen Piktogramme für die verschiedenen Produkte.

Wenn Sie eines dieser Symbole anklicken, können Sie Informationen zu den jeweiligen Öko-Normen und zu jeder einzelnen Produktkategorie lesen. Sie können leicht nachvollziehen, welche Normen für den jeweiligen Warentyp gelten, da die entsprechenden Normen in der vertikalen Linie neben dem Warentyp zu sehen sind.

Die Öko-Normen sind: Energie, Treibstoff, Wasserverbrauch, Allergien, Kunststoffe, Schwermetalle, Sicherheitsdatenblatt (MSDS), Öko-Siegel, Fairer Handel, Arbeitsumgebung und Recycling.

Für jedes Produkt gelten eines oder mehrere dieser Öko-Normen. Sobald wir als Verbraucher begreifen, wonach wir beim Kauf umweltfreundlicher Produkte auswählen müssen, wird ökubewusstes Einkaufen zur reinen Freude.

Wie auch bei vielen anderen Dingen macht beim ökubewussten Einkaufen Übung den Meister. Wir können nicht länger dulden, dass unsere Erde weiter ausgebeutet und dabei leider oft missachtet wird.

Lasst uns gemeinsam ökubewusst einkaufen!

Bewertung

Ársskýrsla Sesseljuhúss 2011

Sesseljuhús umhverfissetur á Sólheimum er fræðslusetur um umhverfismál og sýningarhús um sjálfbærar byggingar. Þar fer fram alhliða fræðsla um sjálfbærni og umhverfismál fyrir nemendur á grunn- og háskólastigi auk málþinga, funda og námskeiða hvers konar. Hægt er að leigja húsið út ásamt gistingu fyrir hvers lags viðburði. 

Það sem bar hæst árið 2011 var:

Janúar:

• Sesseljuhús tilnefnt til Menntaverðlauna Suðurlands ásamt þremur öðrum menntastofnunum.
• Sólheimar – Sesseljuhús samþykkt sem móttökusamtök fyrir erlenda sjálfboðaliða hjá Evrópu unga fólksins.
• Nýr hópur starfsnema og sjálfboðaliða tók til starfa á Sólheimum, að þessu sinni voru þeir 8 talsins frá hinum ýmsu löndum.

Febrúar:

• Sesseljuhús hóf samstarf við ferðamálafræði Háskóla Íslands við gerð sumarsýningar um sjálfbæra ferðamennsku við húsið.
• Nokkrir starfsmenn stóðu fyrir veglegri fjársöfnun fyrir Heimili friðarins, sem er vinaþorp Sólheima í Suður-Afríku.

Mars:

• Marsmánuður var helgaður umhverfinu á Sólheimum og stóð Sesseljuhús fyrir fjölda námskeiða og fræðsluerinda um umhverfismál fyrir alla íbúa Sólheima. Námskeiðin voru vel sótt og vöktu almennan fögnuð meðal íbúa.
• Íbúar Sólheima söfnuðu heimilisúrgangi í eina viku sem var notaður til að útbúa s.k. skógarherbergi í Sesseljuhúsi. Verkefnið var liður í umhverfisátakinu og því að árið 2011 var tileinkað skógum hjá Sameinuðu þjóðunum. Hönnuður skógarherbergisins var Claire Cornet sjálfboðaliði.

Apríl:

• Námskeið 8. bekkjar Kerhólsskóla, Sjálfbærni og samfélag hófst á ný í Sesseljuhúsi.
• Nýr hópur starfsnema tók til starfa á Sólheimum.
• Ný heimasíða Sólheima var opnuð, en stór hluti hennar er helgaður Sesseljuhúsi.
• Sesseljuhús vann að endurbótum í sorpflokkun á Sólheimum.

Maí:

• Nemendur frá bandarísku háskólasamtökunum CELL, ásamt leiðbeinendum, dvöldu á Sólheimum og sinntu háskólanámi í Sesseljuhúsi.
• Sýning nemenda í Kerhólsskóla var opnuð þar sem afrakstur vorsins var kynntur.
• Sameiginlegir matjurtagarðar íbúa Sólheima voru teknir í notkun. Um tilraunaverkefni Sesseljuhúss og garðyrkjustöðvarinnar Sunnu var að ræða.

Júní:

• Hin árlega fræðslufundaröð Sesseljuhúss opnuð formlega. Sérfræðingar á sviði umhverfismála héldu erindi alla laugardaga í júní, júlí og ágúst í tengslum við Menningarveislu Sólheima.
• Sumarsýningin Sjálfbær ferðamennska var opnuð í samstarfi við ferðamálafræði Háskóla Íslands og Ferðamálastofu.
• Sýning um þrjár mismunandi tegundir sjálfbærra bygginga var opnuð í Sesseljuhúsi, þ.á.m. vegleg yfirlitsmynd um hvernig Sesseljuhús er sjálfbær bygging.
• Þrír nemendur háskólans L‘Ireo de Bressuire í Frakklandi stunduðu starfsnám í Sesseljuhúsi. Þetta er annað árið í röð sem nemendur þaðan stunda starfsnám við húsið.
• Sesseljuhús kom með tillögu að bættri samgöngumenningu á Sólheimum.

Júlí:

• Sesseljuhús stóð fyrir ljósmyndamaraþoni í umhverfisljósmyndun í kjölfar ljósmyndanámskeiðs sem Pétur Thomsen, ljósmyndari kenndi.
• Sesseljuhús fagnaði 9 ára afmæli sínu þann 5. júlí og Sólheimar 81 árs afmæli sínu sama dag

Ágúst:

• Vinna við stíflu fyrir litla vatnsaflsvirkjun í fráveituvatni frá Hitaveitu Sólheima hófst. Virkjunin verður hluti af Orkugarði sem stendur til að opna á 10 ára afmæli Sesseljuhúss þann 5. júlí árið 2012.
• Sesseljuhús fær styrk frá Evrópu unga fólksins til uppbyggingar sjálfboðaliðastarfs á Sólheimum.
• Lífrænn dagur haldinn á Sólheimum þar sem uppskeru sumarsins var fagnað.
• Sesseljuhús vann að tillögu um hvernig bæta mætti sjálfbærni á Sólheimum.

September:

• Tíu nemendur frá bandarísku háskólasamtökunum CELL, ásamt leiðbeinendum, komu til Sólheima og dvöldu í þrjá mánuði og sinntu háskólanámi með áherslu á sjálfbærni og umhverfismál.
• Fyrsti hópur sjálfboðaliða frá verkefninu Evrópa unga fólksins tók til starfa á Sólheimum.
• Námskeið 8. bekkjar Kerhólsskóla Sjálfbærni og samfélag hófst á ný í Sesseljuhúsi.
• Sólheimar og hlaupahópurinn Frískir Flóamenn á Selfossi stóðu fyrir almenningshlaupi frá Borg að Sólheimum. Hlaupið var liður í átakinu 350.org sem miðar að því að minnka kolefnislosun í heiminum.
• Margit Kennidy, fræðimaður, hélt fyrirlestur um sjálfbær peningakerfi í Sesseljuhúsi og dvaldi á Sólheimum um tíma.
• Sesseljuhús og Landsvirkjun undirrituðu nýjan samstarfssamning til tveggja ára.

Október:

• Alþjóðleg ráðstefna foreldra barna í Waldorfskólum haldin í Sesseljuhúsi.
• Kristín Vala Ragnarsdóttir, forseti Verkfræði- og náttúruvísindasviðs Háskóla Íslands, heimsótti Sólheima og hélt fyrirlestur um sjálfbærni í Sesseljuhúsi.
• Sesseljuhús og Gistiheimili Sólheima hófu umsóknaferli um Svansvottun fyrir Gistiheimili Sólheima.

Nóvember:

• Sýning nemenda í Kerhólsskóla var opnuð þar sem afrakstur haustsins var kynntur. Sýningin markaði upphaf aðventudaga Sólheima.
• Verkefni sem nemendur á vegum háskólasamtakanna CELL unnu að á meðan á dvöl þeirra á Sólheimum stóð voru kynnt. Nemendur gerðu skýrslu um hvernig auka mætti sjálfbærni á Sólheimum.

Desember:

• Aðventan haldin hátíðleg í Sesseljuhúsi og á Sólheimum.
• Sesseljuhús fékk styrk frá Grímsnes og Grafningshrepp um frekari uppbyggingu háskólanámsins í húsinu.
• Sesseljuhús fær annan styrk frá Evrópu unga fólksins til uppbyggingar sjálfboðaliðastarfs á Sólheimum.

Sesseljuhús fékk á árinu tvo styrki til uppbyggingar sjálfboðaliðastarfs á Sólheimum frá Evrópu unga fólksins. Einnig styrkti Grímsnes og Grafningshreppur uppbyggingu háskólanámsins í Sesseljuhúsi. Bakhjarlar Sesseljuhúss árið 2011 voru Umhverfisráðuneytið og Landsvirkjun.

Bewertung