Natur.is

02.09.2010 kl. 16:04

Lokun

Urriðafossvegur verður lokaður vegna ræsagerðar á milli Egilsstaðar og Urriðafoss fimmtudaginn 2. september frá klukkan 8:00 til 18:00.

Framkvæmdir og viðhald

Umferðatafir verða á Glerárgötu á Akureyri vegna malbikunar fimmtudaginn 2. september og föstudaginn 3. september.

Fimmtudaginn 2. september er fyrirhugað að vinna áfram við fræsingu á Suðurlandsvegi frá Nesjavallaleið að Breiðholtsbraut. Fræsing og malbikun mun hefjast á milli kl. 8 og 9 og á að vera lokið síðdegis sama dag.

Verið er að gera hringtorg á Reykjanesbraut við Grænás. Umferð er beint um á hjáleið fram hjá vinnusvæðinu.

Unnið er að tvöföldun Hringvegar (1) í Mosfellsbæ, frá Hafravatnsvegi að Þingvallavegi.

Nokkuð víða er unnið að vegavinnu og yfirlögnum á slitlagi, með tilheyrandi lausamöl og steinkasti. Vegfarendur eru eindregið beðnir að aka varlega um vinnusvæðin og virða merkingar um hámarkshraða.

Akstur á hálendisvegum

Þeir sem ætla að aka um hálendið eru beðnir að fullvissa sig um að þeir hafi nógu stór og öflug ökutæki til að fara þær leiðir sem þeir hafa í huga og kanna vatnsmagn í ám ef vöð eru á leiðinni en vatnsmagn í ám á hálendinu er nú með meira móti.
Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin