Natur.is

Rannveig Grétarsdóttir framkvæmdastjóri Eldingar hlaut verðlaun FKA

Rannveig Grétarsdóttir, framkvæmdastjóri og einn stofnenda hvalaskoðunarfyrirtækisins Elding / Hvalaskoðun Reykjavík ehf. hlaut í gær viðurkenningu FKA, Félags kvenna í atvinnurekstri. Rannveig Grétarsdóttir stofnaði og stýrir Eldingu og hefur gert fyrirtækið að einu framsæknasta fyrirtæki landsins á sviði umhverfismála en Elding hefur EarthCheck vottun og Bláfánaveifuna.

Náttúran.is óskar Rannveigu hjartanlega til hamingju með viðurkenninguna.

Ljósmynd: Rannveig Grétarsdóttir, af vef Eldingar.

Bewertung

Farfuglaheimilið í Laugardal meðal þeirra umhverfisvænustu í heimi

Vefsíðan www.gadling.com hefur útnefnt Farfuglaheimilið í Laugardal í Reykjavík sem eitt af 10 umhverfisvænustu farfuglaheimilum í heimi. Rík umhverfismeðvitund sé ráðandi í rekstri heimilisins, það sé staðsett við hlið sundlaugarinnar í Laugardal og stutt í margar náttúruperlur.

Tekið er fram að farfuglaheimilið leggi mikla áherslu á endurvinnslu, orkusparnað, bjóði morgunverð úr lífrænt ræktuðu hráefni úr grenndinni og selji drykki sem eiga uppruna sinn í „fair-trade“ viðskiptum. Þá geti gestir á heimilinu fengið upplýsingar um „græna kosti“ í ferðamennsku.

Sjá Farfuglaheimilið í Laugardal hér á Grænum síðum.

Bewertung

Prentmet fær Svansvottun

Prentmet í Reykjavík hefur nú fengið vottun Norræna umhverfismerkisins Svansins til staðfestingar á góðum árangri í umhverfismálum. Prentmet hefur frá stofnun lagt sig fram við að minnka neikvæð umhverfisáhrif með skipulagðri endurvinnslu og öðrum áherslum sem styðja við umhverfisvernd. Markmiðin eru skýr og skuldbinding eigenda og stjórnenda fyrirtækisins er augljós og greinilega mikill áhugi meðal alls starfsfólks.

Svansvottun prentsmiðjunnar tryggir að Prentmet er í fremstu röð hvað varðar lágmörkunmneikvæðra áhrifa á umhverfi og heilsu. Svandís Svavarsdóttir umhverfisráðherra afhenti Guðmundi Ragnari Guðmundssyni og Ingibjörgu Steinunni Ingjaldsdóttur, eigendum og forsvarsmönnum Prentmets Svansleyfið í húsnæði fyrirtækisins að Lynghálsi 1 fyrr í dag. Í ræðu ráðherra kom fram að Svanurinn hefur náð góðri fótfestu í prentiðnaði en Prentmet er sjötta íslenska prentsmiðjan sem hlýtur Svansvottun. Prentmet hlýtur sautjánda Svansleyfið sem gefið hefur verið út á Íslandi og bætist því í ört stækkandi hóp Svansmerktra fyrirtækja. Sífellt auðveldara verður fyrir íslenska neytendur að velja umhverfismerkta vöru og þjónustu.

Sjá alla þá aðila sem hafa Svansvottun á Íslandi hér á Grænum síðum.

Prentmet

Prentmet var stofnað í apríl árið 1992 af hjónunum Guðmundi Ragnari Guðmundssyni og Ingibjörgu Steinunni Ingjaldsdóttur. Í byrjun voru aðeins tveir starfsmenn hjá Prentmeti en fyrirtækið fór þó fljótlega að færa út kvíarnar og starfsfólki fjölgaði ört. Hjá Prentmeti starfa nú tæplega 100 manns á þremur stöðum; í Reykjavík, á Selfossi og Akranesi. Prentmet býður upp á mikla breidd í prentverki, meðal annars offsetprentun, stafræna prentun, prentun umbúða og bóka. Svansvottun Prentmets nær yfir alla prentþjónustu Prentmets í Reykjavík.

Svansmerking fyrir prentsmiðjur

Kröfur Svansins fyrir prentsmiðjur eru mjög strangar, sérstaklega hvað varðar efnanotkun, sem er þýðingarmesti umhverfisþátturinn í rekstri prentsmiðja en auk þess er:

• Lögð áhersla á notkun umhverfismerkts eða endurunnins pappírs við prentunina.
• Hlutfall úrgangspappírs við framleiðsluna er lágmarkaður
• Tryggja skal flokkun úrgangs ásamt réttri meðhöndlun hættulegra efna.
• Hvatt er til notkunar endurnýjanlegra orkugjafa og lágmörkunar á orkunotkun við framleiðsluna og þess að valdar séu umhverfismerktar vörur og þjónusta í innkaupum.
• Gerð er krafa um reglulega þjálfun og fræðslu starfsmanna ásamt ferlum til að stýra umhverfisstarfi.
• Tryggt er að fyrirtækið uppfylla öll lög og reglugerðir sem eiga við starfsemina.

Svanurinn er opinbert umhverfismerki Norðurlandanna sem byggist á óháðri vottun og skilyrðum sem taka tillit til alls lífsferils vöru og þjónustu. Tilgangur Svansins er að ýta undir sjálfbæra þróun samfélagsins svo að komandi kynslóðir hafi jafna möguleika og við til að mæta þörfum sínum. Alls er hægt að votta um 70 mismunandi vöru- og þjónustuflokka.

Umhverfisstofnun er rekstraraðili svansins á Íslandi.

Ljósmynd: Frá afhendingu Svansins; Svandís Svavarsdóttir umhverfisráðherra, Guðmundur Ragnar Guðmundsson og Ingibjörg Steinunn Ingjaldsdóttir, eigendur Prentmets. Af vef Prentmets.

Bewertung

Hótel Eldhestar fær Svansvottun

Hótel Eldhestar hefur nú fengið vottun Norræna Umhverfismerkisins Svansins til staðfestingar á góðum árangri í umhverfismálum. Hótel Eldhestar er frumkvöðull í umhverfismálum, en hótelið fékk fyrst vottun Svansins árið 2002. Strangar kröfur tryggja að hótelið er enn í fremstu röð varðandi lágmörkun neikvæðra umhverfisáhrifa frá starfseminni.

Nú bera alls 16 fyrirtæki merki Svansins, þar af tvö hótel og tvö farfuglaheimili.

Hótel Eldhestar er sveitahótel í nágrenni Hveragerðis. Á hótelinu er gisting fyrir rúmlega 60 manns. Hjá Eldhestum og Hótel Eldhestum eru margir valmöguleikar í boði, varðandi að sameina dvöl á hótelinu og margs konar afþreyingu. Hótel Eldhestar hefur lengi lagt áherslu á að minnka umhverfisáhrif af starfsemi sinni og voru fyrst hótel á Íslandi til að fá vottun eftir ströngum kröfum Svansins. Með Svansvottun er staðfest að Hótel Eldhestar er enn fremst í flokki hvað varðar lágmörkun neikvæðra umhverfisáhrifa.

Allir gististaðir geta fengið Svansmerkið að því tilskildu að þeir uppfylli strangar kröfur Svansins. Nauðsynlegt er að vera með gott heildaryfirlit yfir umhverfisáhrif starfseminnar en Svansvottun felur meðal annars í sér að:

• Hótelið nær lágmarksviðmiðum er varðar orkunotkun, vatnsnotkun, efnanotkun og úrgangsmeðhöndlun.
• Lögð er áhersla á að velja sem mest af umhverfismerktum vörum og þjónustu í innkaupum hótelsins.
• Flokkun úrgangs sé góð og tryggt að allur hættulegur úrgangur fái rétta meðhöndlun.
• Starfsmenn fái reglulega þjálfun og fræðslu.
• Umhverfisstarfi hótelsins er stýrt á skilvirkan hátt.

Svanurinn er opinbert umhverfismerki Norðurlandanna sem byggist á óháðri vottun og skilyrðum sem taka tillit til alls lífsferils vöru og þjónustu. Tilgangur Svansins er að ýta undir sjálfbæra þróun samfélagsins svo að komandi kynslóðir hafi jafna möguleika og við til að mæta þörfum sínum. Alls er hægt að votta um 70 mismunandi vöru- og þjónustuflokka.

Sjá alla þá aðila sem hafa Svansvottun á Íslandi hér á Grænum síðum.

Bewertung

Matsskýrsla um sjálfbærni þorsk-, ýsu- og steinbítsveiða við Ísland birt til umsagnar

Vottunarstofan Tún hefur tilkynnt birtingu skýrslu um mat á sjálfbærni þorsk-, ýsu- og steinbítsveiða við Íslandsstrendur. Um er að ræða mat á nokkrum fiskveiðiútgerðum undir forystu fiskútflutningsfyrirtækisins Sæmarks sjávarafurða. Útgerðarfyrirtækin gera út á handfæri, línu og dragnót, einkum við vestan- og norðanvert landið. Matið fer fram samkvæmt vottunarreglum Marine Stewardship Council (MSC), en þær byggjast m.a. á viðmiðunarreglum FAO um ábyrgar fiskveiðar.

Sæmark sjávarafurðir eru fyrsta íslenska fyrirtækið sem fer í gegnum slíkt mat (sjá frétt). Matsskýrslan, sem unnin er af sérfræðinefnd Vottunarstofunnar Túns, liggur nú frammi á heimasíðu MSC (sjá skýrsluna hér) og gefst þeim sem telja sig eiga hagsmuna að gæta tækifæri til að bera fram athugasemdir, fyrirspurnir og tillögur um efni skýrslunnar fram til 22. apríl n.k.

Bewertung