Natur.is

Leikföng á Náttúrumarkaði

Náttúruleg leikföng eru þau leikföng oft kölluð sem framleidd eru úr náttúrulegum efnum. Oft eru náttúrulegu efnin þó sjálf mettuð aukaefnum og máluð eða lökkuð með óvistvænum efnum sem ekki eru sérstakleg heilsusamleg og jafnveg skaðleg.

Góð leikföng þurfa ekki alltaf að vera úr hreinum náttúrlegum efnum þó að þau geti verið það. Gerviefni geta verið jákvæð út frá umhverfissjónarmiðum sérstaklega ef að leikfangið er vandað og endist jafnvel kynslóð fram af kynslóð. En leikfangabransinn gengur ekki bara út á það að framleiða heilsusamleg og uppeldislega jákvæð leikföng, hvað þá umhverfisvæn og langlíf.

Það er því margt sem ber að hafa í huga við val leikfanga fyrir börnin okkar.
Umhverfismerki á borð við Svaninn og Demeter tryggja t.a.m. að tekið sé fullt tillit til umhverfisáhrifa við framleiðslu vörunnar.
Eitt af því sem að skaðað getur heilsu barna eru þalöt eða mýkingarefni sem eru talin vera skaðleg heilsu fólks þar sem þau eru í mörgum tilfellum lík hormónum í líkamanum og hafa því hormónatruflandi áhrif. Þetta er sérstaklega varasamt í leikföngum þar sem þau eru notuð af börnum sem eru að vaxa og þroskast og hormónatruflanir geta haft veruleg áhrif á vöxt og þroska einstaklingsins í framtíðinni.

Sjá allt um leikföng í barnaherberginu.

Öllum er velkomið að selja vörur í gegnum Náttúrumarkaðinn. Skoða leikfangadeild Náttúrumarkaðarins.

Bewertung

Snyrtivörur á Náttúrumarkaði

Snyrtivörur varða daglega umhirðu líkama okkar. Margar snyrtivörur höfða mest til skjótfenginna fegurðaráhrifa en taka lítið tillit til áhrifa á heilsu notandans eða umhverfisáhrifa til lengri tíma.

Til eru lífrænt vottaðar snyrtivörur, umhverfisvottaðar og siðgæðisvottaðar. Snyrtivörur geta innihaldið bæði tilbúin og náttúruleg efni. Stundum koma náttúrulegu efnin beint úr jurtum, en oft er búið að einangra þau til að fá nákvæmlega þá virkni sem óskað er eftir í vörunni. Fræðiheiti sem hljóma ónáttúruleg geta verið nöfn á einstökum náttúrulegum efnasamböndum. Í snyrtivörudeildinni eru allar upplýsingar af umbúðum skráðar nákvæmlega í samræmi við gildandi reglur. Fólk getur haft ofnæmi fyrir einstökum efnum, þótt þau séu náttúruleg, til að mynda fyrir hnetum eða ilmefnum. Skoðið því vel innihaldsefnin.

Það að gera vel við líkamann með vönduðum snyrtivörum er eitthvað sem allir ættu að leyfa sér. Góðar snyrtivörur eru líka frábær gjöf þegar fólk vill sýna öðrum umhyggju.

Öllum er velkomið að selja snyrtivörur sem og aðrar vörur í gegnum Náttúrumarkaðinn. Skoða snyrtivörudeild Náttúrumarkaðarins.

Bewertung

Baðherbergið - Skyndihjálp

Hringið í Neyðarlínuna 112 ef slys ber að höndum.

Ef um minni skrámur eða veikindi er að ræða er góður sjúkrakassi eitt það allra nauðsynlegasta á heimilinu. Einnig er gott að hafa mikilvægustu símanúmer á ísskápshurðinni og á miða í sjúkrakassanum. Plástrar í ýmsum stærðum, sáraumbúðir, teygjubindi, verkjalyf og sótthreinsandi áburður er það allra nauðsynlegasta.

Það er staðreynd að flest slys hér á landi verða innan veggja heimilisins. Sérstaklega þarf að gæta varúðar ef smábarn er á heimilinu. Þá þarf að taka öll sterk efni og þvottaefni, lyf og rafhlöður svo eitthvað sé nefnt og geyma þar sem börn hvorki ná til né sjá.

Best er að fara reglulega á námskeið í hjálp í viðlögum og vera þess meðvitaður að alltaf getur eitthvað komið fyrir og nauðsynlegt er að vita hvernig maður bregst best við tilteknum aðstæðum. Líf getur legið við, þitt eða annarra.

Víða um landið halda deildir Rauða krossins skyndihjálparnámskeið fyrir almenning. Á hverju ári fara um  6 þús. til 8 þús. manns á slíkt námskeið. Samkvæmt samningi við íslensku ríkisstjórnina, hefur Rauði Kross Íslands yfirumsjón með fræðslu um skyndihjálp, leggur fram kennsluefni og tryggir að verið sé að nota nýjustu aðferðir. Rauði Krossinn heldur einnig námskeið um félagslega- og sálræna aðstoð, og skipuleggur neyðaraðstoð þegar stór slys verða eða náttúruhamfarir.

Símanúmer hjá heimilislækni, aðstandendum og næstu heilsugæslustöð ættu að vera í sjúkrakassanum og á ísskápshurðinni. Einnig upplýsingar um ofnæmi, lyfjatöku eða annað sem kemur heilsu heimilisfólks við.

Bewertung

Orð dagsins 3. apríl 2008

Bewertung

Varnarlaus gegn mengunarslysum

Fjölmenni ræddi kosti og galla olíuhreinsunarstöðvar á Vestfjörðum á Bíldudal í gærdag. Sérfræðingar reifuðu þar sjónarmið atvinnusköpunar og umhverfisverndar. Fjórðungssamband Vestfjarða stóð að málþinginu í félagsheimilinu á Bíldudal. Samskonar málþing verður á Ísafirði í dag.

Olíuhreinsunarstöð þyrfti gríðarmikla orku eða sem nemur nærri því heilli Kárahnjúkavirkjun. Hana má annað hvort framleiða með vatns- eða gufuafli, eða með olíu sem brennd yrði á staðnum. Evrópu eru um eitt hundrað olíuhreinsistöðvar, tvær þeirra í Noregi. Sú stærri, Mongstad, er norðan við Bergen, og þar eru unnin um 20 milljón tonn af hráolíu á ári.

Við þá vinnslu verða til um tvær milljónir tonna af koltvísýringi. Sú minni er við Óslóarfjörð og þar eru unnin 5,8 milljón tonn af olíu árlega, koltvísýringslosunin er um 380 þúsund tonn á ári. Forsvarsmenn Íslensks Hátækniiðnaðar , sem stendur á bak við áform um olíuhreinsunarstöð á Vestfjörðum, ætla að vinna þar árlega um átta milljónir tonna af hráolíu. Þeir telja að koltvísýringslosunin þar verði um 560 þúsund tonn á ári. Stefán Gíslason umhverfisstjórnunarfræðingur telur losunina hins vegar verða nærri tvöfalt meiri. Heildarlosun landsmanna á koltvísýringi á þessu ári, að meðtaldri losun álversins á Reyðarfirði, verður líklega rúmar fjórar milljónir tonna.

Fram kom í máli Ragnars Baldurssonar hjá utanríkisráðuneytinu á málþinginu í dag að illa sé hægt að bregðast við verði meiriháttar olíuslys verða hér við land. Í lok júlí 2006 steytti rússneskt olíuskip á ísjaka fyrir norðan landið. Íslendingar eru varnarlausir gegn meiriháttar mengunarslysum segir embættismaður í utanríkisráðuneytinu.

Bewertung